Chin keyboard chuak thar

Chin Keyboard a thar a chuak ṭhan cang tuan deuh ah khan Ṭ cafang ṭialnak lawngin ka van tuah i a tu ah cun, Ṭ cafang lawng hmanh si ti loin, Evan. Rual Uk nih cafang thar a hman mi ṭialnâk he ka van telh chih cang.

Ṭ hman duh tik ah, na computer caṭialnâk ah khan Q a um lai Q umnâk ah khan Ṭ tuin ka van thlen, Chinmi nih Q cafang hi kan hman lo caah mah Keyboard ah hin Q cafang a um lai lo. Asi nain, ṭial na duh a si ah cun, chikhat te na cahmanmi kha thleng law a ngah ṭhan ko lai.

Tutan a thar kan van chapmi hi a cung lei ka chim cang bantukin, Evan. Rual Uk nih a van ruahchuakmi asi. Cu hna cu..

Â, Ê, Û, Î Hna hi an si mah tihin a hman ning cu a si lai.

1. Aa pahnih can ah  a cung khuhmi te hi hmanpiak ding a si lai.

2. Ee Pahnih can ah Ê a cung khuhmi te khi hmanpiak ṭhan ding a si lai.

3. Uu Pahnih can ah Û a cung khuhmi hman piak ṭhan ngat.

4. Ii Pahnih can ah Î Pakhat a cung khuhmi in rolh ter ṭhan.

Zei tiin dah a cung khuhmi te â hi kan ṭialning a si lai tiah cun, 

Bianabia ah: Na computer Keyboard kha a hlan bantuk tein na hman ṭhan ko lai nain, a cung khuh na duh tik ah cun cafang hme in ṭial na duh ah cun, (Ctrl + Alt) na hmehpial lai hi â kha na hmeh ṭhan lai cu cun, a cung khuhmi â cu a van lang cang lai.

Mahbantuk ṭhiamṭhiam cun Cafang ngan ṭial na duh tik ah na computer CAPS LOCK kha na hmehhmasat lai i, cun hnu ah, (Ctrl + Alt) voikhat ah na hmeh kawp lio ah na hman duhmi cafang kha na hmeh ṭhan lai.

Evan. Rual Uk nih a facebook ah a fianter mi 

LAICA KAN HMANNING HI NA RUAT BAL MAW?
Kawlholh le kawlca ruangah chanhnih dengmang kan holh le kan ca kan hngilhtaak hnu ah atu kan i hlau i Leipumpi cul in Laica le Laiholh in kan i chonh i thawng kan i thanh lio ah kan Laica hmanning hi ruah a her tak tak.
Bia kan chimmi hi kan chimning tein kan tial ah cun a pahnih (aa) le e pahnih (ee) le i pahnih (ii) le u pahnih (uu) hmannak dingah a dihlak cu chim lo a canceu hmanh kan rak hmang lo ti hi uk 66 a simi kan Baibal ka leh hnu ah biatak tein ka lung a fim. A tanglei hi hun zoh ve hmanh. A pahnih (aa) hmannaak ahNak le naak- Rang nak naakin rang raang
Tlang le tlaang- khualhring tlaang ah tlangte a um
Sang le saang- Kehthei sang ah kehthei kung saang tak tak a um.
Zam le zaam-Hri an zam caah an zaam kho lo.
E pahnih (ee) hmannaak ah
Beng le beeng- Beng chung tla lakin hei beeng
Deng le deeng- Dengteu in a zoh. An phan deengmaang
Kheng le kheeng- A lukheng lang lo tiang in kheengpi chung ah a thu.
Leng le leeng- Leeng ah a chuak lengmang
I pahnih (ii) hmannaak
Ding le diing- Sii a ding i a fale diingdawng an tha tak tak.
Thing le thiing- Thing tangah Aithiing an ciin.
Asingcaw nih siing a man deengmaang
U pahnih (uu) hmannaak
Um le uum- Uumsertu a um lo.
Zum le zuum-Fungzum aa chuih lai a zuum lo
A cunglei hna khi tahchunhnaak ceu i langhtermi a si. Uk 66 a simi Baibal ah hin a sining tein a pahnih (aa) e pahnih (ee) i pahnih (ii) le u pahnih (uu) hman a si ah cun a tu kan hman liomi Baibal ah hin a hlei in catlap 50 cahmai 100 tiang hman a herh ti kha ka hmuh.
Cucaah a pahnih (aa) le e pahnih (ee) le i pahnih (ii) le u pahnih (uu) can ah aw nemternaak cungkhuh (^) hi kan hman ah cun hmunhma tam tak tak catlap 50 reng lo kha hman hau loin kan khamh khawh tikha ka hmuh caah atu Baibal ka lehmi le cauk thar ka tialmi ah ka hman hi laimi fihlak nih kan hman cio a si ah cun kan ca hi bia in kan chimning tein kan tial khawh lai.

Facebook ah ralrin awk!

Mi dang phone chungah kan Facebook kan luttik ah ralrin awk cu, kan lut le cangka in a tang hmanthlak a langmi ah khin "Ok" hmehpiak lo ding "Not Now" khi na hmeh piak lai.

Ok" Na hmehpiak a si ah cun, na lutnak phone chungah khan na password ai save cawlh lai.

An duhtik caan paoh ah na Facebook an on khawh lai i, na cakuat an zohdih khawh lai.

Zeitiin dah kan Facebook Page ah Star (Arfi) peknak kan chiah lai?

Chinmi chungin Faceboop PAGE a tuahmi kan tlawm ve ti lo, kan Page a kan lengtu hna nih kan Page Star pek khawh dingin zei tiin dah kan tuah lai timi a tang lei hman thlak ka chiahmi bantuk hin tuah law na Page an lengtu hna nih na Page kha Star an pek khawh lai.

Na PAGE ah lut piak

Fei ka sawhnak zawn ah khin kal ṭhan.

Edit timi ah lut ṭhan.

A cung hmanthlak na hmuh mi bantuk khin
Allow vistors to review this Page timi khi check tuah ṭhan
cu dih cun Save Changes khi hmeh piak ṭhan.

Star pek khawh a si cang.

Na tlamtlin lonak a um asi ah cun, comment's nak zongah hal ṭhan khawh ka si ka lawm.

Facebook Page Data pawl fim hna u sih.

Vawilei chan ti luan dawi in a tli vemi kan nih Chin mi zong Social lei ah kan cawl cang ve taktak cang.
Duhsah tein kan ṭhan cho ve ciah mah cang, cu vawlei chan tiluan kan dawi milak ah mizapi nih kan hman bik mi facebook ah zingzan kan leng hna.

Cu tik ah facebook nih a ngeih mi Group le Page zong mi tampi nih thawngzamhnak ah siseh kan lung chuak ṭialnak ah siseh, a si lo ah chawletnak tiangah kan hman hna.

Cu kan hmanmi lak ah Page kan i tuahmi kongah i ral taktak a herh. minih kan Facebook hack piak zong kan tong kho, a si lo ah facbook company nih kan page le kan facebook Account tiang in Remove an kan tuahpiak tawn caah kan thilril kan caṭial mi siseh kan hmanthlak le video tiang in i fim hna u sih. kan hnung te ah khan kum 3 leng ka hman cang mi ka lung chuak tete ka ṭial tawnnak ka Page Company nih remove an ka tuahpiak i cu caah cun, ka caṭial mi le ka post's mi vialte hmakhat teah an tlau dih i lak ṭhan awk a ṭhatti lo caah, ka tonmi bantuk ka hawi le nih nan tawn zongah kan thilri a tlau lonak hnga a tu in i ralring tein um u sih law remove kan tong zong a tu ka langtermi na tuah ah cun, na Data vialte pakhat hman tlau lo tein a ngeih than dih lai.

Facebook ah lut hmasa

Na facebook Page ah lut.

Fei ka sawhnak ah khin lut ṭhan.

Ca tampi in a lang lai i a tanglei ah na ṭum lai, cu hnu ah a tu fei ka sawhmi zawn ah  khin kal ṭhan.

Download Page timi khi hmeh piak.

Get Started timi khi click ṭhan

Start Downloading click ṭhan.

Here timi khi click ṭhan

Mah tihin na hmuh khwh cang lai na download mi file ah chungah lut law na facebook page ah na post's mi dih lak in a um dih lai.
ka lawm.

Pehṭhan dingmi : Facebook Page ah Star peknak zei tiin dah kan on lai.

Screen Capture

            

 Na computer dawhte in screen hman hlak kho tu na duhning tein hman na thlak khawh hman nuam taktak mi kan chiah piak rak hmang ve nai chir lai lo 

A Voi 7nak CACC Laica Ṭial Ning 2016

Biahmaiṭhi
Miphun pakhat kan sinak hrampi le kan miphun kilvennak hriamnan cu kan Laica hi a si. Kan Laica ṭial ning ṭhanchonak caah a luancia kum 27 hrawng ah kan pale nih hram an rak thawk i nihin ahcun Laica ṭial ning hi a tlang piin lim a si cang. Kan Laica ṭialning a ṭhanchonak ding le a feh khawh nakding ah kan zapi kan lung kan i khah khawh hi a herh mi a si. Cun kan Laica a nun khawh nakding ah kan zapi tein CACC Laica Ruatkhangtu Committee nih biafunnak an ngeih mi hi zulh ah a ṭha bik a si.

A tutan kan ceihkhannak ah a biapi in cathluan a chuahtu le ruahnak a kan cheutu cu Dr. Kenneth Vanbik (USA) le Pu Thlasui Tluangneh (USA) an si. Laimi phun dawtnak he USA in an rak kan tlun hnawh i Laica kong ceihkhannak kan ngei hna. An cungah lunglawmhnak tampi kan ngei i hmailei ah ram le miphun caah Pathian nih thluachuah vanluh pe chin ko hna seh.

Tutan Laica Ṭial Ning kan chuah mi hi Laica Ṭial Ning ah a tling cikcek mi a si rih lo. Sihmahsehlaw Laimi, Laica le Laiholh a dawtu, a kilvengtu le a ṭanhtu vialte caah hi Laica Ṭial Ning cauk hmete hi Laica ṭialnak ah bawmchantu le zohchih mi si hram sehlaw kan Laica hi a ṭhangcho ko lai ti cu kan saduhthahnak nganpi a si.

Laica Ruatkhangtu Committee
Ca le Cachuahnak lei Rianṭuannak
 CACC, Hakha

OR

Direct Download

Freemake For PC

Mah software cu nan nan thei dih cang ko la dah ka ti a thei rih lo mi le a duh mi nan um sual ah kan van chiah piak hna (pc) hman mi a si a MP4,MP3, Phun tam pi in convert ah ngah na duh a si ah cun rak download ve hi ka ah hin

Download

Hika zong ah a dang lak chap